Spam san Nochrichtn, de wo vom Empfänga ned gwinscht san. In da Regl weans elektronisch zuagstöd. Des Verb dazua hoasst 'spamma (engl. 'spamming), in Obsenda vo da Nochricht nennt ma an Spamma.
Uaspringli woa SPAM a Marknnama fia Dosnfleisch (SPiced hAM). Wearend da Lemsmittlrationiarung im Kriag woa as Dosnfleisch SPAM in England praktisch ibaroi und ohne Bschränkung z hom. In an Monthy Python Sketch (Spam-Sketch) is des aufgriffa woan, do gibts in an Café auf da Speiskoatn praktisch nua Speisn mit Spam. Dazua wead vo ana Gruppn a Liad gsunga, des wo nua ausn Woat Spam bsteht und so jede normale Kommunikation vahindat.
© MMXXIII Rich X Search. We shall prevail. All rights reserved. Rich X Search